கல்லை மட்டும் கண்டால் கப்ரைத் தெரியாது

கல்லை மட்டும் கண்டால் கப்ரைத் தெரியாது

கப்ரை மட்டும் கண்டால் கல்லைத் தெரியாது

கப்ரில் உள்ளவர் எல்லாம் மகானே கிடையாது

மகானாய் இருந்தவர் எல்லாம் கப்ரில் வாழ்வதும் கிடையாது

கட்டியக் கப்ரில் கந்தூரி எடுப்பது நபிவழிக் கிடையாது

நபிவழிக்கெதிராய் நாளும் நடந்தால் சொர்க்கம் கிடையாது

அப்துல்காதிர் அவ்லியா என்றால் உனக்குப் பயனேது

ஆயுள் முடிந்து அடங்கிப்போனவரை அழைத்துப்பயனேது

அப்துல்காதர் அடங்கிய இராக்கை அமெரிக்கா அழிக்குது

அப்துல்காதரிடம் அற்புதம் இருந்தால் இராக் அழியாது

சாகுல்ஹமீதுக்கே சந்ததி கிடையாது சரித்திரம் சொல்லுது

சாகுல்ஹமீதிடம் சந்ததியைக் கேட்பது சாத்தியம் ஆகாது

அஜ்மீரில் அடங்கியது அவ்லியா என்றால் ஆதாரம் உள்ளதா

ஹாபீழ் அமீர் அவ்லியா என்று ஹதீஸில் உள்ளதா

ஏர்வாடி மகானிடம் ஏதும் இருந்தால் அங்கே நெருப்பில் மடிவாரா

மௌண்ட்ரோட்டு மகானாய் இருந்தாலும் மரணத்தை வெல்வாரா

தைக்கா சாகிப் என்றழைத்தால் சஞ்சலம் தீர்ப்பாரா

பக்கா ஷிர்க்குக்கு பாவ மன்னிப்பு மறுமையில் பெறுவாரா

கட்டைப் பீடி மஸ்தானுக்கு கூட கப்ருகள் இருக்கிறதே

கிளியைக் கூட அவ்லியாவாக்கிய கிறுக்கர்கள் உள்ளாரே

விமானத்தைக்காணா மகானிடம் விசாவைக்கேட்பது வேடிக்கை ஆகாதா

விபத்தின்போது மகானை அழைப்பது வினையாய் முடியாதா

இல்லாத பேயை விரட்டுவதென்பது மகானின் வேலையா

இருக்கின்ற ஈமானை இழந்துத் தவிப்பது சைத்தானின் வேலையா

வயிற்றுப் பிழைப்புக்கு வழிவகை செய்திட தர்ஹா வழிபாடு

மாதவருமானத்திற்கு மக்களைச் சுரண்டிட மௌலிது ஏற்பாடு

தாயத்து தகடு சந்தனக்கூடு இஸ்லாத்தில் கிடையாது

இஸ்லாத்தில் இல்லாததை எவரேனும் செய்தால் ஈமான் கிடையாது

இப்லீஸின் ஏஜெண்டாய் இருக்கிற இமாம்கள் திருந்திட மாட்டாரா

இணைவைப்புக்கு நிரந்தர நரகம் உணர்ந்திட மாட்டாரா

என்றோ இறந்த மகானை அழைப்பது இஸ்லாத்தில் உள்ளதா

இன்றும் இருக்கிற இயேசுவை அழைத்தால் நசாரா என்பதா

படைத்தவனைவிட்டு படைப்புகளை வணங்குவது பைத்தியம் ஆகாதா

இறைவனுக்கு இணையாய் இவர்களை எண்ணுவது ஈமானைப் பறிக்காதா

சைத்தானின் வலையில் வீழ்ந்து கிடப்பது தவறாய்த் தெரியாதா

இறைவனின் சாபம் இறங்கும் முன்னே விழிப்பது கிடையாதா

நன்றி:dhargavalikedu